Türkmenistanyň wekiliýeti Halkara dag-metallurgiýa forumyna we sergisine gatnaşdy

465

Duşenbe şäherinde Halkara dag-metallurgiýa forumy we sergisi geçirildi. Oňa Türkmenistanyň senagat we gurluşyk önümçiligi ministriniň orunbasary B.Tatowyň ýolbaşçylygyndaky türkmen wekiliýeti gatnaşdy.

Türkmenistanyň Täjigistan Respublikasyndaky ilçihanasynyň berýän habaryna görä, B.Tatow öz çykyşynda Garaşsyzlyk ýyllarynda Türkmenistanda senаgatyň dürli ugurlarynda, ýagny elektroenergetika, himiýa, nebit we geohimiýa, metallurgiýa hem-de gurluşyk pudagynda gazanylan ösüşler barada belläp geçdi.

Habarda bellenilişi ýaly, türkmen we täjik kompaniýalarynyň arasyndaky ikitaraplaýyn hyzmatdaşlygyň senagatyň ähli ugrularynda geljekki ösüşi gazanmak üçin giň mümkinçiliklere eýe boljakdygy nygtaldy.

Forumyň çäklerinde Täjigistanda öndürilýän harytlaryň sergisi guralyp, onda kompaniýalar özleriniň birnäçe önümçilik görnüşlerini hödürlediler diýlip, habarda bellenilýär.

Hat ýazmak

Hormatly ulanyjy!

Bu ýerde üpjün etmegiň tertibi, poçta hyzmatlarynyň bahasy we "Türkmenpoçta" PAK-yň işi bilen baglanyşykly salgylanma we maslahat beriş barada soraglar berip bilersiňiz. Jogap bermek wagty 1-den 3 iş gününe çenli.